في الدنيا دي ناس كتير بتتخدع في نفسها وبتقول علي نفسها انها ماشيه في الطريق الصح لا ومش كده وبس ده فيه ناس بتبدأ تصدق علي كلامك ويحسسوك انك عظيم ومفيش زيك وبالتالي لو حد قالك انت ماشي في الطريق الغلط هتقول عليه حاقد او مش فاهم
…..
يا شيخ مرزوق انا لما جتلك كنت فاكر انك بتعالج بكتاب ربنا والناس كلها شكرت فيك لكن انا مش هقدر اشوف الكفر ده واسكت… كفر كفر اي انت بنتك عليها جن عاشق وهخرجه من عليها ملكش دعوه بقا بالاسلوب المهم بنتك تخف.. وبدأت قراءه الطلاسم لحد ما ظهر سلاف محدش كان شايفه غيري كالعاده طلبت منه يساعدني… وقبل ما سلاف يتكلم اتكلم والد البنت وقال اعوذ بالله من الشيطان الرجيم.. ربي اعوذ بك من همزات الشياطين واعوذ بك ربي ان يحضرون… الارض اتهزت صرخ سلاف وقلي هرجع تاني الحساب تقل ما بينا يا مرزوق… صرخت في الراجل وبقوله انت عملت ايه الله يخربيتك لكن الراجل كان مبرق علي حاجه واقفه ورايا.. اتلفت بسرعه وكانت الصدمه
……
ملحوظه: بداية القصه في دوله المغرب لكن اللهجه مصريه عشان الكل يفهم الكلام
انا اسمي مرزوق سيف الدين عندي 50 سنه عايش انا ومراتي وعيالي في دوله المغرب بس انا اساسا من مصر عندي ولد وبنت.. اياد ونسرين انا بشتغل معالج روحاني بعالج الناس من المس والسحر بكتاب ربنا واحيانا بطرق تاني… في الحقيقة انا وارث الشغلانه عن ابويا بعد ما بقيت متمرس فيها وللاسف والدي الله يرحمه اشتغل الشغلانه دي غصب عنه…. اكيد بتسألوا نفسكم غصب عنه ازاي؟…. من 30 سنه كنا عايشين في مصر انا وابويا وامي الله يرحمهم انا وحيد مليش اخوات…. ابويا كان مدرس وقتها كنا عايشين في حاره صغيره الحياة كانت صعبه… كان في مشاكل بين امي وبين واحده جارتنا اسمها ام عبير.. ام عبير كانت قارئه فنجان ليها في الشغل ده كانت مكروها من الناس كلها كانوا بيقولوا عنها انها شؤم وفقر…. المشاكل دي كانت بسببي انا لاني كنت بحب عبير بنتها والست كانت موافقه وقالتلي ملكش دعوه باهلك انا هخليهم يوافقوا… لكن لما اهلي عارفوا رفضوا وامي طلعتلها الشقه وقلتلها ابعدي عن ابني ملكيش دعوة بيه ابني مش هيتجوز بنتك دي حاجه في احلامك.. الصوت كان عالي جدا وبابا طلع اخد ماما ونزلنا الشقه ومن اليوم ده حياتنا اتقلبت… امي كانت بتقوم كل يوم من النوم تصرخ وتقول انها شافت عفريت.. بابا حاول يقولها ان دي تهيؤات لكن بدأت تظهر علي امي علامات ضرب… ابويا خلاص اخيرا صدق ان امي مش بتكدب لكن ابويا رغم كده كان رافض يجيب معالجين وقرر انه هو الي هيقرا عليها قرآن…. انا كنت غبي وكل الي كان هممني عبير عاوز اتجوز عبير…. ابويا قدر بعد اسبوع انه يعالج امي معرفش ازاي…. قررت اني لازم اتكلم مع عبير واتقابلنا في كافيه وقولتلها احنا لازم نتجوز ونعيش بعيد عن اهلي واهلك… قلتلي لا احنا هنتجوز واهلك لازم يوافقوا…. لحد ما في يوم فيه ثري عربي جيه لام عبير عشان تقراله الفنجان وتعرف الطالع لكنه شاف عبير عجبته وطلبها من امها مقابل مبلغ كبير جدا.. امها وافقت يعني بالعربي كده وافقت تبيع بنتها… سمعت عبير بتصرخ وبتزعق في امها وبتقولها مش هتجوزه مش هتجوزه… جالي اكتئاب وكنت حابس نفسي لحد اليوم الي جيه فيه الثري العربي عشان يكتب الكتاب… كنت حاسس اني هموت لكن في وسط تفكيري سمعت صرخه وبعدها صراخ كتير.. الصراخ جاي من الشارع بصيت من البلكونة واتصدمت عشان عبير انتحرت ورمت نفسها من البلكونة… فضلت اصرخ ابويا وامي شافوا المنظر فضلوا يهدوا فيا… صرخت فيهم انتوا السبب انتوا السبب لكن واضح ان ام عبير مكنتش هتسكت… بعد اسبوع امي مرضت تاني والمره دي اتصابت بالسرطان كانت صدمه لينا كلنا وبعد شهر امي اتوفت…. وفاه امي سببلي حاله نفسيه كنت مش قادر اتكلم مع حد وحابس نفسي.. لحد ما في يوم كنت راجع من بره قابلت ام عبير علي السلم.. قلتلي انت واهلك السبب في موت بنتي انا مش هسيبكم زي ما بنتي راحت انت هتحصلها.. رجعت البيت في اليوم ده لقيت بابا بيقولي احنا هنهاجر هنمشي انا جاتلي شغلانه بره مصر ولازم نسافر.. هنسافر فين يا بابا.. هنسافر المغرب وبعد نقاش وجدال طويل وافقت… بعد اسبوع بعد ما جهزنا حالنا سافرنا كنت عايز اعرف اي الشغلانه الي بابا لقيها….. بس الي مكنتش متوقعه ان بابا معاه كتب غريبه كتب سحر وبدأت ناس تاجي لبابا البيت المتواضع الي اخدناه هناك… اول حاله جات لابويا كانت واحده وبنتها.. البنت كانت تعبانه عليها مس من جن عاشق… كانت قاعده قدام والدي وهو بيقول بحق الجن واسماء الجن وملوك الجن وبحق سمسائيل اظهر بحق العهود السبعه…. شوفت ضل بيخرج من جسم البنت وصوت غليظ طالع منه وقال انا املك عهد مع طارش ابن ايزار والساحر اوصاني بهذه الفتاه ولن ارحل.. مين الي عمل السحر للبنت.. بنت عمها عشان بتكرها وبتحقد عليها…. عليك الخروج الان عليك الخروج من هذا الجسد الان… صرخت البنت والجن اتكلم تانى وقال لن اخرج… بدأ ابويا يقرأ طلاسم كتير وبدأت البنت ترجع حاجات سوده وسمعت الجن بيصرخ وبدأ يتحرق… كل يوم مئات من الناس بتاجي لابويا عشان يعالجهم كل جلسه كنت بحضرها معاه اتعلمت منه كل حاجه وبقيت متمرس.. لحد ما في يوم جيه واحد لابويا وقاله ان فيه مقبره عليها رصد وانها مليانه بكنوز.. ابويا قلي خليك في البيت وخرج مع الراجل وغاب وبعد ساعات جالي تليفون ان ابويا في المستشفى بيموت… خرجت من البيت جري علي المستشفى وصلت ودخلت الاوضه وكانت الصدمه…
دخلت الاوضه واتصدمت عشان ابويا كان متغطي بملايه
بيضه ابويا كان مات ايوه مات جريت عليه وكشفت الملايه منظر ابوياكان مخيف مقبض علي ملامحه رعب ميتوصفش كأنه شاف عزرائيل قبل ما يموت فضلت أبكى زي الاطفال واقوله قوم معايا قوم عشان نمشي انا محتجلك متمشيش دلوقتي… دخلوا الدكاترة بعدوني عنه.. الدكتور قلي البقاء لله والدك كان عايز يشوفك قبل ما يموت.. فضلت اصرخ في المستشفى وجالي انهيار عصبي ووقعت ومحستش بالدنيا… لما فوقت لقيت نفسي علي سرير ومتركبلي محلول.. هو انا فين… ردت عليا ممرضه انت في المستشفى حاول تهدي افتكرت الي حصل وفضلت أبكى تاني.. الساعه كانت واحده بليل فضلت صاحي مش جيلي نوم لحد الصبح… الدكتور كتبلي علي خروج.. خرجت من المستشفى عشان احضر دفنه ابويا مهما وصفت انه اسوء يوم في حياتي مش هقدر اوصلكم الاحساس وقفنا قدام القبر والشيخ واقف وبيدعي للمتوفي انه يغفرله ويجعل مثواه الجنه.. نزلت جثه ابويا وانا مش قادر اتمالك نفسي دموعي مغرقاني… خرجت لكن من بعيد شوفت واحد واقف لابس اسود وشعره كثيف ولحيته كثيفه كان باصص ناحيتي… مركزتش معاه واليوم خلص ورجعت البيت اترميت علي السرير… تعب واجهاد ولسه هروح في النوم الباب خبط بصيت في الساعه 12… نسيت اقولكم اني معملتش عزا هعمله منين مفيش فلوس الي كان عاوز يعزي كان بيجي البيت… بس مين ده الي جاي الساعه 12..قومت من مكاني وروحت ناحية الباب وانا بقول مين مين الي بيخبط.. مفيش جواب محدش بيرد.. فتحت الباب لقيت واحد بيقولي ازيك يا مرزوق… هو هو نفس الشخص الي شوفته في المقابر.. قولتله انت مين… رد عليا وقال طيب هتسبني واقف علي الباب مش هتقولي اتفضل… قولتله اسف اتفضل… دخل وقعد علي كرسي وقال انا عارف انك عايز تعرف انا مين مش عاوزك تستغرب الي هقوله انا اسمي سلاف انا مش انسان بشري انا من اهل الجن ….. نعم حضرتك انت جاي تهزر هو فيه اي… قلي وهو هادي جدا انا مش بهزرانا كنت الموكل بحمايه والدك كنت معاه خطوه بخطوه لحد لما مات علي فكره انا حذرته انه ميروحش المقبره عشان الي هناك جن موكل بالخراب والدمار لكن هو مسمعش كلامي.. لكن دلوقتي انا جيلك انت، انت لازم تكمل العهد الي بدأه والدك تكمل معانا عشان معندكش اختيارات تاني …رديت عليه يعني اي معنديش اختيارات انا مش عاوز الحاجه دي…قلي مش بمزاجك انت خلاص وريث العهدوعليك الطاعه….. خلص كلامه وقولتله انا عندي سؤال لو انت فعلاً من اهل الجن جيلي تخبط عليا ليه ما كان ممكن تظهرلي فجأه… رد عليا وقال انا مش عاوزك تخاف انا عايزك تكون مطمن دايما…. رديت عليه وقولتله انا حضرت جلسات طرد الجن كتير مع ابويا يعني مش بخاف…. رد عليا وقال انك تمارس السحر بنفسك غير انك تكون مجرد متفرج انت هتملك الاسرار والمعرفه المحرمه انت هتكون قوي ومحدش هيقدر عليك…. رديت عليه وقولتله وانا اي المطلوب مني دلوقتي… الناس هتبدأ تجيلك بعد اسبوع من دلوقتي عشان تتعالج بس لازم تفهم انك هتعالج الناس بكتب السحر وبس مش بحاجه تاني…. ادخل نام انت محتاج ترتاح دخلت وسبته وهو اتبخر زي الدخان..كنت مذهول هو الي شوفته ده بجد. نمت كان نوم قلق وكله كوابيس وصحيت تاني يوم فتحت اوضه ابويا وابتديت افتح كتب السحر واقري فيها كنت حاسس اني قلقان لكن خلاص ده قدري ومصيري… اسبوع كامل بحضر نفسي قريت كويس وفهمت ومكنش فاضل غير الاختبار… بعد اسبوع لقيت باب الشقه بيخبط قومت وفتحت كان راجل في ال 50 من عمره ومع شاب في العشرينات رحبت بيهم ودعيتهم للدخول… ودخلتهم الاوضه قعدوا قدامي وانا لسه هتكلم لقيت صوت في عقلي اتفزعت مين الي بيكلمني والصوت ده جاي منين لكني ادركت ان ده صوت سلاف وبيقولي الولد ده اسمه حكيم كانت مرات عمه عملاله عمل واتعالج منه والشيخ ادالوه تحصين لكن الشاب غلط ودخل بالتحصين الحمام استفذهم استفذ جن اسمها قريور وده من الجن السفلي تلبس جسده وبيعذبه… قولت للراجل علي مشكله ابنه الراجل كان مذهول وقلي انت عرفت الكلام ده منين… قولتله مش دي القضيه وبصيت للولد وقولتله روح نام علي السرير الصغير الي هناك واسترخي تماما… وجبت قماشه كبيره لونها ابيض وجبت قطه ودبحتها وبدم القطه كتبت الطلسم علي القماشه وقومت من مكاني وغطيت وش الولد بالقماشه وقولت شمهروس شمهورس بحق اسم ملك ملوك الجن بحق العهود السبعه وبحق سمسائيل وبحق العهد الذي بيني وبينكم خلصوا هذا الجسد من الاذي خلصوه من الاذي… جسم الولد بدأ يتنفض علي السرير.. اخرج من هذا الجسد الان… رد عليا صوت غليظ طالع من الولد وقال مش هخرج هأذيه ذي ما اذاني.. اخرج ولك الخلاص والا حرقتك الان…. مش هخرج.. بحق ملوك الجن الاربعه طارش وظام وعزازيل وبطرش يرسل عليه شزايا من الجحيم.. صرخات طالعه من الولد صرخات مفزعه.. شلت القماشه من علي وشه وحاله من القيئ مسكت الولد وفاق…. الراجل قام وباس علي ايدي وقلي انا مش عارف اشكرك انا عاجز عن ده… قولتله خد ابنك وامشي اخد ابنه ومشي… وقعدت انا في الاوضه شويه حاسس بعظمه الحاجه الي عملتها… حسيت ان درجه حراره الاوضه بتسخن واتشكل قدامي سلاف من جديد وقال ابهرتني يا مرزوق انت عندك قوه كبيره حاول تستغلها انت ممكن تحكم العالم ده بحاله… قولتله يعني انا نجحت قلي بامتياز انا همشي دلوقتي بس هبقي معاك في كل خطوه متخفش واختفي… نمت شويه من الاجهاد كنت حاسس ان جسمي كله مكسر نمت بعمق وحلمت حلم غريب حلمت بوالدي كان واقف قدامي وكان حزين جدا وقلي ابعد ابعد يبني عن سكتهم بلاش تغلط غلطتي… صحيت من النوم زعلان من نفسي ومن الي بعمله اخدت قرار اني هقوم اتوضي واصلي ركعتين لله.. دخلت الحمام ولسه هبدأ وضوء ظهر في المرايا قدامي مخلوق مخلوق شيطاني… ليه قرنين اسود حالك بوقه كبير ومفتوح وليه انياب وخبط بايده علي المرايا اتكسرت.. خرجت اجري من الحمام لقيت سلاف واقف في الاوضه بصلي بغضب وقال انت كنت عايز تعمل ايه… قولتله كنت هصلي… تصلي انت يا حبيبي خلاص كفرت بيه وامنت بينا.. مرزوق الطريق طويل ومفهوش رجوع والي يفكر يرجع انت عارف بيحصله اي، اوعي تفكر تاني في انك ترجع صدقني انت الي هتدفع التمن… في حاله جيالك دلوقتى بنت معمول ليها سحر اسود من حماتها عشان تموت ركز وسيبك من الي بتفكر فيه ده… واختفي فضلت مستني شويه لحد ما فعلاً الباب خبط روحت فتحت كانت بنت وشاب واضح انهم متجوزين البنت واضح علي ملامحها التعب والاجهاد وشها شاحب شحوب الميتين عينيها حمرا كأنها مش بتنام… كنت عرفت اسمائهم من سلاف.. الزوج اسمه ايمن والزوجه ندى دخلتهم الاوضه وقولتله مشكلتك وصلتني يا استاذ ايمن قبل ما توصل… قلي انت عرفت اسمي منين… قولتله انت أكيد سمعت عني وعن كرماتي فمش عاوزك تستغرب من اي حاجه… قومت وبحركه مبغته حطيت ايدي علي وش ندي وقولت بحق الملك سمسائيل الملك الاعظم بحق الالف والقاف والنون بحق من في باطن الارض ومن عليها اخرجوا من جسدها اخرجوا من جسدها… عينين البنت اتقلبت للون ابيض ووشها كرمش كأنها ست عجوزه وصرخت ووقعت علي الارض وفضلت تتلوي تتلوي… ايمن اتكلم وقال مراتي الحقها اتصرف اعمل حاجه… قولت اخرج من جسدها يا ملعون بحق طيور الجحيم الاتيه من الشمال ومن اليمين اخرج والا حرقناك وجعلناك رماد… قامت ندي من مكانها وعلى وشها ابتسامه خبيثه وزقتني وقعت علي الارض وانا مش مصدق حسيت بضعف شديد في كل جسمي… خلاص حاسس عضمي بيدوب لكني قولت اعوذ بكلمات الله التامات من شر ما خلق… سمعت صوت سلاف بيقولي اخرس ولا تخالف العهد… كملت اعوذ بكلمات الله التامات من شر ما خلق… صوت سلاف بقي صريخ في وداني اخرس يا مرزوق هأذيك… اخرج يا ملعون بحق اسم الله وبحق لا إله إلا الله وبسم العزيز الجبار اذا لم تخرج ترسل عليك شزايا من النار… خرج دخان كثيف اسود من بوق البنت وكل حاجه في الاوضه بدأت توقع وتتكسر كأن فيه عاصفه ضربت الاوضه وفاقت.. قولتله خد مراتك وامشي من بيت العيله متقعدش فيه تاني.. قلي ليه.. قولتله لو مش عايز مراتك تتأذي تاني اعمل الي بقولك عليه…. ومشي… بمجرد ما خرج ظهر سلاف لكن بشكل مخيف بعيون دمويه وقلي بصوت اجش انت مش عارف بتعمل ايه انت هتأذي نفسك يا غبي انا بحذرك ده اخر انذار ليك يا مرزوق وبعدها هيكون حسابك معايا انا.. واختفي….. وتاولت الحالات كل يوم حاله واتنين كنت بعالجهم بالسحر واطرد من جسمهم الجن كنت بحس اني مجهد بعد كل جلسه كل ما كنت افكر استخدم كلام ربنا افتكر تحذير سلاف ليا… لحد مافي يوم ظهرلي سلاف وقال فيه حاله جيالك عاوزك ترفض تعالجها… قولتلها ليه.. قال بنت عليها مس من جن عاشق لكن ابوها اهبل مؤمن وتقي وعامل فيها شيخ هو حاول يعالجها وفشل وانت ارفض انا مش عاوزها تتعالج… قولتله هعالجها بالسحر يا سلاف… قلي ابوها مش هيسمح بده… قولتله انا المسئول.. الباب خبط روحت فتحت كان راجل كبير اسمه طه ومعاه بنت شابه اسمها نعمه دخلتهم الاوضه.. وسبت الشيخ يحكي نفس الي قاله سلاف.. قومت من مكاني وقولت للبنت تروح تنام علي السرير الي في اخر الاوضه… وروحت عندها وقولت اقسمت عليك بالعهود السبعه والقرابين السبعه والعهود السليمانية اخرج الان ليس لك سيطره او قدره عليها اخرج الان لقيت الراجل قام وقلي انت بتعمل ايه يا شيخ مرزوق انا لما جتلك كنت فاكر انك بتعالج بكتاب ربنا والناس كلها شكرت فيك لكن انا مش هقدر اشوف الكفر ده واسكت… كفر كفر اي انت بنتك عليها جن عاشق وهخرجه من عليها ملكش دعوه بقا بالاسلوب المهم بنتك تخف.. وبدأت قراءه الطلاسم لحد ما ظهر سلاف محدش كان شايفه غيري كالعاده طلبت منه يساعدني… وقبل ما سلاف يتكلم اتكلم والد البنت وقال اعوذ بالله من الشيطان الرجيم.. ربي اعوذ بك من همزات الشياطين واعوذ بك ربي ان يحضرون… الارض اتهزت صرخ سلاف وقلي هرجع تاني الحساب تقل ما بينا يا مرزوق… صرخت في الراجل وبقوله انت عملت ايه الله يخربيتك لكن الراجل كان مبرق علي حاجه واقفه ورايا.. اتلفت بسرعه وكانت الصدمه
بصيت ورايا البنت كانت واقفه علي رجليها لكن عينيها عباره عن جمرتين من جهنم عروق ايديها كانت سوده… الراجل اتكلم وقال مالك يا بت مالك يا بت فيكي ايه.. اعوذ بالله من الشيطان الرجيم اعوذ بالله من الشيطان الرجيم… صرخت وبضربه في صدري لقيت نفسي رجعت لورا زي ما يكون قوه عشر رجاله في بعض.. ومسكت ابوها من رقبته ورفعته لفوق.. الراجل اتشاهد خلاص… قومت وانا بقوله سلاف سيبه يا سلاف سيبه انا مش عاوز آذيك… اعوذ بالله من همزات الشياطين واعوذ بك ربي ان يحضرون.. اعوذ بكلمات الله التامات من شر ما خلق… لقيتها سبته وقع علي الارض وكان بياخد نفسه بالعافيه لكن سلاف في الوقت ده بدأ يصرخ بهيستريا ومع كل صرخه كانت نار بتمسك في كل ركن في البيت… قومت الراجل من علي الارض وقولتله يلا البيت كله بيتحرق احنا لازم نهرب.. قلي وبنتي هسيب بنتي… قولتله خلاص هو تلبس جسدها مش هنعرف نعمل حاجه… الراجل صرخ فيا وقلي لا انا مش هسيب بنتي… قولتله خلاص دي مبقتش بنتك لازم نهرب مفيش وقت هنتحرق لكنه مسمعش كلامي سبته وجريت والبيت كله بيتحرق وسامع صرخاته… خرجت للشارع ووقعت الناس بسرعة جريت عليا وشلوني لحد اقرب بيت بيت عم سليمان جارنا الراجل التقي.في الوقت ده المطافي جات وبعد ما النار اطفت طلعوا جثتين محروقين جثه الراجل وبنته .. عم سليمان بدأ يفوقني وقلي اي الي حصل يبني… قولتله الجن حرق البيت الجن حرق البيت… رد عليا وقال اعوذ بالله من الشيطان الرجيم كنت حاسس اني في دوامه طول الفتره دي عايش مع ابويا وسايب مراتي وعيالي في بيت لوحدهم عشان اي عشان اتعلم حاجات كنت فاكر انها هتحميني لكن للاسف النهارده عرفت اني كنت ماشي في سكه غلط… رد عليا عم سليمان وفي ايدك تعمل الصح وترجع لمراتك وعيالك وترجع لحياتك وتوب الي الله ربنا بيغفر الذنوب… استغفر الله العظيم من كل ذنب… يبني قوم روح الجامع وصلي ركعتين شكر لله انه نجاك من الهلاك وادعي انه يسامحك… قومت وانا حاسس اني محتاج فعلا اصلي وروحت علي الجامع اتوضيت ودخلت صليت ركعتين شكر لله وفضلت ابكي وادعي انه يسامحني ويغفرلي ذنوبي حسيت لاول مره من فتره كبيره اني مرتاح… لكن اول ما خرجت من الجامع اتقبض عليا عشان البيت الي اتحرق والجثث الي طلعت من جوه… حكيت وقولت ان الجن هو الي عمل كده في البيت لكن محدش صدقني واتقال عليا اني مجنون فضلت قاعد في التحقيق ده 3ايام ومكنش فيه سبب للحريق اتقلي اننا هنفرج عنك عشان مفيش دليل ضدك وانه قدامي فرصه اسبوع وبعدها لازم ارجع مصر والي هما هيرحلوني… خلاص كنت حاسس ان كل البابان بتتقفل في وشي مكنش قدامي غير مشوار واحد عايز اعمله عايز اروح لمراتي وعيالي عاوز اشوفهم… ركبت تاكسي وروحت علي بيتي ياااه حاسس اني عايز احضن العيال وارجع تاني لحياتي وصلت البيت وخبطت مره واتنين وتلاته محدش بيرد هيكونوا فين… خرجت للشارع ورحت للجيران اسأل عليهم اتقلي.. انت لسه فاكر دول مشيوا من فتره ومحدش عارف هما راحوا فين…. الحزن خيم عليا فضلت اسأل عليهم وادور عليهم في كل مكان لكن مفيش فايده هما ضاعوا مني وانا الي ضيعتهم… قررت ارجع مصر خلاص مفيش قدامي حل تانى ركبت الطياره وافتكرت الذكريات… افتكرت امي وابويا ايام ما كنا عايشين في مصر حياه سعيده لحد اليوم الي اتحولت حياتنا لجحيم ووصلتني للي انا عليه دلوقتي كل حاجه وليها بداية واكيد هيكون ليها نهاية… وصلت مصر معنديش غير البيت الي كنا عايشين فيه زمان رجعت البيت زي ما هو متغيرش رغم مرور السنين دي كلها… لكن الحاجه الي كانت ملفته للنظر هي العطاره الموجودة جمب البيت عطاره الحجه نعيمه.. مين نعيمه؟ اكيد بتسألوا نعيمه هي ام عبير اظن فاكرينها… محدش في المنطقه كان عارفني دخلت شقتي المليانه بالتراب والعفره اكيد مش هعرف اعيش كده جبت واحده تنضف البيت واديتها الي فيه القسمة ودخلت البيت الحمدلله بقي نضيف.. كنت عايز انام مرهق وتعبان ونمت….. مرزووق اصحي اصحي يا مرزووق اسمي بيتنادي عليه ولكن الصوت ده مش غريب عليا ده صوت صوت سلاف… فتحت عينيا كان واقف قدام السرير لكن كان جسمه محروق ووشه مشوه بطريقه بشعه كل الي قادر اميزه عينيه الي اشبه بالجمر… قلي مستغرب شكلي مش كده شكلي ده انت السبب فيه انا هوريك العذاب الي عمرك ما شوفته هخليك تتمني الموت يا مرزوق… قولتله مش انا السبب يا سلاف انت السبب في الاذيه مش انا وبعدين انا مش خايف منك عشان عارف ربنا هيحميني… ضحك وقلي دلوقتي عرفته ده انت كفرت بيه… رديت عليه ربنا غفور رحيم يا سلاف… قرب مني ومسكني من رقبتي وقال انا هموتك بالبطئ هخليك تتمني الموت.. وسبني واول ما سبني قولت اعوذ بالله من كل شيطان مريد.. اعوذ بالله من الشيطان ومن الجان ومن ابليس واعوانه… صرخ واختفي.. من الواضح ان كابوس سلاف مش هينتهي ابدا.. نمت وصحيت تانى يوم ملقتش حاجه في البيت ونزلت اجيب شويه طلبات.. وانا معدي من قدام العطاره لقيت واحده بتقولي انت مين انت غريب عن المنطقه… بصيت كانت هي ام عبير حفر الزمن بصمته عليها لكن الفلوس كانت ليها كلمتها…. قولتلها اي مش عرفاني يا ست نعمات ولا اقول يا ام عبير… الست قلتلي انت مين وتعرفني منين… قولتلها انا مرزوق ابن سيف الدين فكراني… الست اتصدمت وقلتلي اخيرا رجعت تصدق انا فرحانه برجوعك عشان اخيرا هاخد بتار بنتي…. قولتلها انتي الي قتلتي بنتك مش انا لكن انا الي ليا تار عندك تار امي…. قلتلي خلاص هنشوف مين الي هيقدر علي التاني… سبتها ومشيت وروحت جبت الطلبات ورجعت البيت ياتري الست دي هتعمل ايه كنت عايز اشتغل معنديش حل تاني عشان اعرف اصرف علي نفسي مكنش قدامي غير الحاجه الي بعرف اعملها شغلانه المعالج بس المره دي في الخير وبكتاب ربنا… بدأت اعرف الناس ان الي عنده مشكله يجيلي عشان بعد يومين تجيلي ست ومعاها ابنها وبتقول انه علطول تعبان ومش قادر يقوم من السرير كان بالنسبالي ده الاختبار الحقيقي الي هرجع بيه اماني بربنا… حطيت ايدي علي دماغ الولد وقولتله بسم الله ارقيك من كل شئ يؤذيك.. وقريت سوره الفلق وايه الكرسي اكتر من عشر مرات بدأ الولد يفوق عملتله حاجه اسمها تحصين وقولتله تلبسها علطول ومتقلعهاش غير وانت رايح الحمام وقولت للست ابنك كان محسود بس مش اكتر وربنا يباركلك فيه…. وبدأت الحالات تجيني كل يوم وكنت بعالج بكتاب ربنا بدأ اسمي يعلي ويظهر وبقيت الشيخ مرزوق الي بيعالج الناس بأجر رمزي وعنده كرامات… وفي يوم كنت نايم وصحيت علي صوت فحيح فحيح تعبان فتحت عينيا لكن الصدمه ان التعبان كان جمبي… جمبي علي السرير اتقلبت من علي السرير وانا بقول اعوذ بالله لا تأذيني ولا أذيك ابعد وروح لحال سبيلك لكن لقيته بيقرب وده معناه حاجه واحده ان ده مش تعبان… قولت بسم الله وبعون الله وبقوه لا اله الا الله اظهر الان اظهر علي حقيقتك الان وفي لحظه اتحول التعبان لكيان ضخم عينيه بيضه تماما… وبدأ يقرب مني… فقولت بسم الله نبدأ بسم الله نحتجب اعوذ بالله من كل شيطان وجان… يامن الجمت كل متمرد سلم يارب سلم… صرخ الكيان ده وفضل يصرخ بشكل رهيب مش قادر استحمل صوته واختفي… مفيش ساعه والناس كلها سمعت صراخ جاي من بيت ام عبير ولما دخلوا البيت لقيوا ام عبير ميته وعلى وشها ملامح الرعب والفزع بس مين الي موتها… في اليوم ده كنت قاعد في اوضتي عشان هدخل الخلوه بتاعتي ظهرلي سلاف وقلي انا عارف اني غايب بقالي كتير بس انا جيلك المره دي ومحضرلك مفاجأة حط ايده قدام عيني وبدأت اشوف زي ما اكون في سينما بالظبط شوفت مراتي وعيالي وهما قاعدين مع بعض وقلي عيله سعيده هتتقلب حياتهم لو مقتلتش نفسك وبعتلي روحك يا مرزوق… قولتله اي انت بتقول اي… قلي انا عاوز روحك ولو رفضت متلومش الا نفسك… يعني اي لا مش ممكن تحصلهم حاجه بسببي اختفي سلاف 3 ايام ورجع وقلي ها فكرت يا شيخ مرزوق… قولتله انا الي اذيتك خد حقك مني انا… قلي لا هحصرك عليهم انا جربت معاك اخر محاولة وخليت ام عبير سخرت عليك جن موكل بالخراب والدمار عشان يقتلك لكنك نجيت ومعرفش ازاي والجن انتقم من ام عبير… ودلوقتي انا بخيرك يا روحك يا روح مراتك وعيالك… قولتله مش هتعرف تعمل حاجه يا سلاف هحرقك… ضحك سلاف وقلي انت اخترت خلاص واتبخر…. فضلت اصرخ واقوله مش هتعرف تعمل حاجه يا سلاف…. لكن للاسف بعد ساعه جالي خبر من المغرب انه مراتي وعيالي ماتوا اتحرقت بيهم الشقه… التليفون وقع من ايدي وفضلت اصرخ واقوله ليه ليه يارب انا توبت ورجعتلك حرمتني منهم ليه… خرجت للشارع وفضلت اصرخ وابكي زي المجانين ووقعت في الشارع… معرفش فقدت الوعي قد اي لكني لما فوقت اتصدمت انا في المستشفي لكن اي ده انا مش قادراتحرك انا اتشليت الدكتور قلي واضح انه حصلك صدمه عصبيه حاده اثرت علي الجهاز العصبي والحركي وده بشكل مؤقت وان شاء الله هترجع تمشي… امتي؟… العلم عند الله
جايز اكون غلطت في حياتي كتير ورغم اني توبت ربنا انتقم مني ليا سنه في المستشفى وانا علي نفس الحال وبشوف سلاف كل يوم يجيلي المستشفى ويضحك لانه للاسف هو الي انتصر.
حرب الخير والشر هي حرب إلى ما لا نهاية والحرب جولات وربك أعلم بالنهاية.
تمت
